I Want Something Just Like This

on


Naktip mai khi AMC inthlan a ni ta... "Eng hian nge kan vote thlaknaah thutlukna min siamsak," tih hi kan ngaihtuah nawn fo a ṭha hle. Kan ram inrelbawlna kawngah hian, "Eng system nge pek kan nih? Eng system nge kan beisei zel dawn?" tih hi kan ngaihdan min siamsaktu ni vek se a duhawm hle. Thil holam te te hian kan ngaihtuahna hruai lo se; kan zoram past-present-future hi kan ngaihtuah a ngai a ni.

Tuna kan ram mipui hot ber age-group, "Generation-Y&Z" te phei hi chu postmodernism khawvelin min nuai a; thu tak - rah chhuah nun, thu dik - a tak ram chang, hruaitu ropui - ngaihsan tur - Hero, kan duh. Thu buluk pui puia invawm te, thu muhnua inchirhtheh te, utopian dream - suangtuahna nena inbawlkual te hian min hmin lem lo. Facts & figures kan duh a; hmachhawp awmze neia lang chhuak kan duh.
A chhan chu tihian sawi ila; khawimaw laia thlarau thianghlim hnathawh an tih pawh finfiahna tellova awih mai harsa kan ti, chu chu a ni postmodernism khawvel ngaihtuahna chu.

Duh se - duh lo se, public figure te chetvelna tam zawk hi digital footprint a ni, internet thluak bawmah vawn ṭhaṭ vek a ni a, duh duh huna keu hawn mai theih a ni. He postmodernism khawvelah hian Hero nih hi tum chi a ni lova, mawhphurhna la chunga thawhchhuah chi a ni.

Kan Nu duhtak Zoram hian, chutiang mihring chu min pe ni se, "Gen-Y&Z" te hian mahni inphatin kan zui ang.
Kan ram dinhmun phak baka tih theih loh titu kan beisei lo. Kan ram dinhmun phaktawka tih theih sang ber titu kan beisei a ni.

" I'm not looking for somebody with superhuman gifts. Just somebody I can turn to, somebody I can kiss. "
- Chainsmoker & Coldplay; mahse Ukraine naupang zaipawl 'Color Music Choir' hian min fan hneh mah zawk e.

Comments

Post a Comment